APPSC & TSPSC Group -1, 2, 3 Indian Polity – రాష్ట్రపతి – President

APPSC TSPSC Group 1 Group 2 Group 3 Indian Polity Material Telugu, Indian Constitution Telugu

APPSC & TSPSC Group -1, 2, 3 Indian Polity – రాష్ట్రపతి – President – Election Procedure, Eligibilty, Powers and Duties

APPSC గ్రూప్ 1, గ్రూప్ 2, గ్రూప్ 3 పరీక్షల సిలబస్ లోని ఇండియన్ పాలిటి మరియు భారత రాజ్యాంగం సబ్జెక్టులో మరొక ముఖ్యమైన అంశం: స్థానిక సంస్థలు, ప్రభుత్వాలు, 73వ, 74వ రాజ్యాంగ సవరణలు

ఈ టాపిక్ లో ఎం చదవాలి? ఎలా చదవాలి? అనేది ముందుగా పరిశీలిద్దాం

  • రాష్ట్రపతి పదవి గురించి రాజ్యాంగంలో పేర్కొనబడ్డ ప్రకరణలు, ఎన్నిక విధానం గురించి ముందుగా తెలుసుకోవాలి
  • రాష్ట్రపతి అధికారాలు, విధుల గురించి పూర్తిగా తెలుసుకోవాలి
  • భారత రాష్ట్రపతికి, అమెరికా అధ్యక్షునికి మధ్య పోలికలు, తేడాలు గమనించాలి
  • రాష్ట్రపతిని తొలగించే అభియోగ తీర్మానం గురించి తెలుసుకోవాలి

President Notes in Telugu, President Material in Telugu for APPSC and TSPSC

రాష్ట్రపతి:

  • రాష్ట్రపతి గురించి భారత రాజ్యాంగంలో 52వ ప్రకరణం నుంచి 62వ ప్రకరణం వరకు పొందుపర్చారు.
  • 52వ నిబంధన ప్రకారం భారతదేశానికి ఒక రాష్ట్రపతి ఉంటాడు.
  • రాష్ట్రపతి పదవి బ్రిటిష్ రాజు లేదా రాణి పదవిని పోలి ఉంటుంది.
  • 53వ నిబంధన ప్రకారం దేశ కార్యనిర్వహణాధికారి రాష్ట్రపతి
  • 53(1) అధికరణం ప్రకారం దేశ కార్యనిర్వహణాధికారం రాష్ట్రపతికి వర్తిస్తుంది.
  • దేశ కార్యనిర్వహణాధికారం రాష్ట్రపతి తాను స్వయంగాకాని లేదా తన ఆధీనుల ద్వారా కాని నిర్వహించవచ్చు.
  • 53(2) అధికరణం ప్రకారం భారతదేశ త్రివిధ దళాల సర్వసైన్యాధ్యక్షుడు – రాష్ట్రపతి
  • భారత రాజ్యాంగం ప్రకారం రాష్ట్రపతి
    1. భారతదేశ మొదటిపౌరుడు
    2. దేశాధినేత
    3. దేశ కార్యనిర్వహణాధికారి
    4. రాజ్యాంగ అధినేత
    5. గణతంత్ర అధినేత
  • 74(1) నిబంధన ప్రకారం రాష్ట్రపతికి విధులు నిర్వర్తించడంలో ప్రధానమంత్రితో కూడిన మంత్రిమండలి తోడ్పడుతుంది.
  • 77వ నిబంధన ప్రకారం భారతదేశ కార్యనిర్వహణాధికారం రాష్ట్రపతి పేరు మీద నిర్వహిస్తారు.
  • భారత సుప్రీంకోర్టు రామ్‌జవాయ్ వర్సెస్ పంజాబ్ (1955), షంషేర్‌సింగ్ వర్సెస్ పంజాబ్ కేసులో రాష్ట్రపతి రాజ్యాధినేత అని ప్రధానమంత్రి ప్రభుత్వ అధినేత అని తన తీర్పులో తెలిపింది.

రాష్ట్రపతి ఎన్నిక విధానం

  • రాష్ట్రపతి ఎన్నిక విధానం గురించి రాజ్యాంగంలోని 55వ ప్రకరణంలో వివరించబడింది.
  • రాష్ట్రపతి ఎన్నికను కేంద్ర ఎన్నికల సంఘం నిర్వహిస్తుంది.
  • రాష్ట్రపతి ఎన్నికల్లో ఎన్నికల రిటర్నింగ్ అధికారిగా ఒకసారి లోక్‌సభ సెక్రటరీ జనరల్, మరొకసారి రాజ్యసభ సెక్రటరీ జనరల్ వ్యవహరిస్తాడు.
  •  రాష్ట్రపతి ఎన్నిక విధానాన్ని ఐర్లాండ్ రాజ్యాంగం నుంచి స్వీకరించారు.
  • రాష్ట్రపతిని నైష్పత్తిక ప్రాతినిధ్య పద్ధతి ద్వారా పరోక్ష విధానం, ఏక ఓటు బదిలీ సూత్రం ద్వారా ఎన్నుకుంటారు. దీన్ని దామాషా ఓటింగ్ పద్ధతి ప్రకారం రహస్యంగా నిర్వహిస్తారు.
  • రాష్ట్రపతి ఎన్నికల్లో ఓటింగ్ విధానం రాజ్యాంగ పరిషత్‌లో ప్రతిపాదించినది- ఎన్ గోపాలస్వామి అయ్యంగార్
  • ఎమ్మెల్యే ఓటు విలువ = రాష్ట్ర జనాభా/(1000 X రాష్ట్ర విధానసభలోని ఎన్నికైన ఎమ్మెల్యేల సంఖ్య)
    ఉత్తరప్రదేశ్ ఎమ్మెల్యే ఓటు విలువ – 208 (అన్ని రాష్ట్రాల కంటే ఎక్కువ)
    ఉమ్మడి ఆంధ్రప్రదేశ్ ఎమ్మెల్యే ఓటు విలువ – 148
    సిక్కిం ఎమ్మెల్యే ఓటు విలువ – 7 (తక్కువ)
    పుదుచ్చేరి ఎమ్మెల్యే ఓటు విలువ – 16
    ఢిల్లీ ఎమ్మెల్యే ఓటు విలువ – 58
    అరుణాచల్‌ప్రదేశ్, మిజోరం ఎమ్మెల్యే ఓటు విలువ – 8 తమిళనాడు – 176, మహారాష్ట్ర – 175
  • ఎంపీ ఓటు విలువ = అన్ని రాష్ర్టాల ఎమ్మెల్యేల ఓట్ల విలువ/పార్లమెంటు ఉభయసభల్లో ఎన్నికైన సభ్యుల సంఖ్య
  • ఎంపీ ఓటు విలువ – 708
  • 84వ రాజ్యాంగ సవరణ ద్వారా (2001) ఎంపీ, ఎమ్మెల్యేల ఓట్ల విలువ 2026 వరకు మార్చరాదని సవరణ చేశారు.
  • 1961లో 11వ రాజ్యాంగ సవరణ ద్వారా రాష్ర్టాల విధాన సభలు రద్దయితే రాష్ట్రపతి ఎన్నిక నిలుపుదల చేయరాదు.

రాష్ట్రపతి అర్హతలు

  • రాష్ట్రపతి పదివికి పోటీపడే అభ్యర్థి అర్హతల గురించి రాజ్యాంగంలోని 58వ అధికరణం పేర్కొంటుంది
  • భారతపౌరుడై ఉండాలి
  • వయసు 35 ఏండ్లు నిండి ఉండాలి
  • లోక్‌సభ సభ్యుడిగా పోటీ చేయడానికి కావాల్సిన అర్హతలు కలిగి ఉండాలి.

రాష్ట్రపతి అనర్హతలు – జీతభత్యాలు

  • వీటి గురించి రాజ్యాంగంలోని 59వ నిబంధన పేర్కొంటుంది
  • కేంద్ర, రాష్ట్ర, స్థానిక ప్రభుత్వాల్లో ఆదాయం వచ్చే ప్రభుత్వ ఉద్యోగంలో ఉండరాదు.
  • ఉపరాష్ట్రపతి, గవర్నర్లు, ఎంపీ, ఎమ్మెల్యే పదవులు ప్రభుత్వ ఉద్యోగాలు కావు.
  • ఎంపీ, ఎమ్మెల్యే, ఎమ్మెల్సీగా ఉంటే రాజీనామా చేయాలి. ఒకవేళ రాజీనామా చేయకపోయినా రాష్ట్రపతిగా ఎన్నికై ప్రమాణస్వీకారం చేసిన వెంటనే ఆ పదవి రద్దవుతుంది. ఉదా : బైరాన్‌సింగ్ షెకావత్ ఉపరాష్ట్రపతిగా ఉంటూ రాజీనామా చేయకుండా రాష్ట్రపతి పదవికి పోటీ చేశారు.
  • 1977లో రాష్ట్రపతి, ఉపరాష్ట్రపతి ఎన్నికలకు సంబంధించి కొన్ని సవరణలు చేశారు.
  • అభ్యర్థి నామినేషన్ పత్రంతో పాటు రూ. 15,000 ధరావతు చెల్లించాలి.
  • చెల్లించిన డిపాజిట్ రావాలంటే పోలై చెల్లిన ఓట్లలో 1/6వ వంతు ఓట్లు రావాలి.
  • రాష్ట్రపతిగా పోటీ చేసే అభ్యర్థి నామినేషన్ పత్రంపై రాష్ట్రపతి ఎన్నికల గణంలోని 50 మంది సభ్యులు ప్రతిపాదించారు. మరో 50 మంది సభ్యులు బలపర్చాలి.
  • రాష్ట్రపతి ప్రస్తుత వేతనం రూ. 1,50,000 (1-1-2006 నుంచి)
  • పదవీ విరమణ తర్వాత దేశంలో ఏ ప్రాంతంలోనైనా నివాసం నిర్మించి ఏడాదికి రూ. 9 లక్షలు పింఛన్ చెల్లిస్తారు.
  • రాష్ట్రపతి అధికారిక నివాస భవనాలు న్యూఢిల్లీతో పాటు, హిమాచల్‌ప్రదేశ్ రాజధాని సిమ్లా, తెలంగాణ రాజధాని హైదరాబాద్‌లోని బొల్లారంలో ఉన్నాయి.
  • రాష్ట్రపతి పదవిలో ఉన్న సమయంలో ఖర్చులకు, అతిథుల విందులకు ఏడాదికి రూ. 22.5 కోట్ల గ్రాంటు ఇస్తుంది.
  • రాష్ట్రపతి జీతభత్యాలను అతను పదవిలో ఉండగా తగ్గించరాదు.
  • రాష్ట్రపతి జీతభత్యాలు పార్లమెంటు నిర్ణయిస్తుంది.
  • రాష్ట్రపతి వేతనం, భత్యాలు, పింఛన్ కేంద్ర సంఘటిత నిధి నుంచి చెల్లిస్తారు.
  • రాష్ట్రపతి నివాస భవనాన్ని స్వాతంత్య్రానికి పూర్వం వైస్రాయ్ రీగల్‌హౌజ్ అని, దీన్నే రైసినా హిల్ అని పిలుస్తారు.

రాష్ట్రపతి ప్రమాణస్వీకారం

  • 60వ అధికరణం ప్రకారం రాష్ట్రపతిగా ఎన్నికైన వారిచేత సుప్రీంకోర్టు ప్రధాన న్యాయమూర్తే ప్రమాణ స్వీకారం చేయిస్తాడు. (ప్రధాన న్యాయమూర్తే అందుబాటులో లేనప్పుడు సీనియర్ న్యాయమూర్తే ప్రమాణ స్వీకారం చేయిస్తాడు)
  • రాష్ట్రపతి పదవీకాలం గురించి 56వ ప్రకరణం పేర్కొంటుంది
  • రాష్ట్రపతి పదవీకాలం – ఐదేండ్లు
  • రాష్ట్రపతి పదవీకాలం ముగియకముందే రాజీనామా చేయాలంటే ఉపరాష్ట్రపతి పేరు మీద రాజీనామా చేయాలి.
  • 1969 ఏడాదిలో రాష్ట్రపతి బాధ్యతా నిర్వహణ చట్టం ప్రకారం ఉపరాష్ట్రపతి పదవి ఖాళీగా ఉన్న సమయంలో సుప్రీంకోర్టు ప్రధాన న్యాయమూర్తికి రాజీనామా లేఖను పంపాలి.
  • ఉపరాష్ట్రపతి రాజీనామా విషయం (రాష్ట్రపతి రాజీనామా గురించి) లోక్‌సభ స్పీకర్‌కు తెలపాలి.
  • రాష్ట్రపతి రాజీనామా చేసిన సందర్భంలో ఉపరాష్ట్రపతి రాష్ట్రపతి విధులను ఆరు నెలలు నిర్వహిస్తారు.
  • రాష్ట్రపతి పదవి ఖాళీ అయినప్పుడు ఆరు నెలల్లోపు ఎన్నిక నిర్వహించాలి.
  • ఉపరాష్ట్రపతి రాష్ట్రపతిగా వ్యవహరించే సందర్భాలు
    – రాష్ట్రపతి రాజీనామా చేసినప్పుడు
    – రాష్ట్రపతి దీర్ఘకాలిక సెలవు లేదా అస్వస్థతకు గురైనప్పుడు
    – మహాభియోగ తీర్మానం ద్వారా రాష్ట్రపతిని తొలగించిన సందర్భంలో
    – రాష్ట్రపతి పదవిలో ఉండగా మరణించినప్పుడు
    – 1960 జూన్‌లో బాబూ రాజేంద్రప్రసాద్ 15 రోజులు సోవియట్ రష్యా వెళ్లినప్పుడు ఆనాటి ఉపరాష్ట్రపతి సర్వేపల్లి రాధాకృష్ణన్ తాత్కాలిక రాష్ట్రపతిగా వ్యవహరించారు.
    – 1961 మేలో రాజేంద్రప్రసాద్ అస్వస్థతకు గురైనప్పుడు తాత్కాలిక రాష్ట్రపతిగా డాక్టర్ సర్వేపల్లి రాధాకృష్ణన్ వ్యవహరించారు.
    – 1969లో ఆనాటి రాష్ట్రపతి డాక్టర్ జాకీర్‌హుస్సేన్ మరణించినప్పుడు ఆనాటి ఉపరాష్ట్రపతి వరహాగిరి వెంకటగిరి (వీవీ గిరి) తాత్కాలిక రాష్ట్రపతిగా వ్యవహరించారు.
    – 1969లో ఉపరాష్ట్రపతిగా ఉన్న వీవీ గిరి తాత్కాలిక రాష్ట్రపతిగా వ్యవహరిస్తున్న సందర్భంలో రాష్ట్రపతి పదవికి పోటీ చేసేందుకు రాజీనామా చేయగా ఆనాటి సుప్రీంకోర్టు ప్రధాన న్యాయమూర్తి జస్టిస్ మహ్మద్ హిదాయతుల్లా తాత్కాలిక రాష్ట్రపతిగా వ్యవహరించారు.
    – 1977లో ఆనాటి రాష్ట్రపతి ఫకృద్దీన్ అలీ అహ్మద్ మరణించినప్పుడు ఉపరాష్ట్రపతి బీడీ జెట్టి తాత్కాలిక రాష్ట్రపతిగా వ్యవహరించారు.
    – 57వ నిబంధన ప్రకారం ఒక వ్యక్తి రాష్ట్రపతిగా ఎన్నిసార్లయినా పోటీ చేయవచ్చు.
    – బాబూ రాజేంద్రప్రసాద్ రెండు పర్యాయాలు రాష్ట్రపతిగా విధులు నిర్వహించారు. అది సంప్రదాయం మాత్రమే.

మహాభియోగ తీర్మానం

  • రాష్ట్రపతిని తొలగించే మహాభియోగ తీర్మానాన్ని అమెరికా రాజ్యాంగం నుంచి (IMPEACHMENT MOTION) స్వీకరించారు. దీన్ని క్వాజీజ్యుడీషియల్ విధానం అంటారు.
  • దీని గురించి రాజ్యాంగంలోని 61వ ప్రకరణం పేర్కొంటుంది
  • భారత రాజ్యాంగాన్ని ఉల్లంఘించి అధికార దుర్వినియోగానికి పాల్పడినప్పుడు అభిశంసన ద్వారా తొలగించవచ్చు.
  • రాష్ట్రపతిని తొలగించే తీర్మానం పార్లమెంటు ఉభయసభల్లో ఏ సభలోనైనా ప్రవేశపెట్టవచ్చు.
  • ముందుగా ఏదైనా ఒక సభలో కనీసం 1/4వ వంతు సభ్యులు మహాభియోగ తీర్మానంపై సంతకం చేయాలి.
  • తీర్మానం ప్రవేశపెట్టే 14 రోజుల ముందుగా సభాపతికి తెలపాలి.
  • రాష్ట్రపతిపై మహాభియోగ తీర్మానం ప్రవేశపెట్టినప్పుడు ఆ సభ అతనిపై వచ్చిన అభియోగాలను ప్రత్యేక కమిటీ, లేదా ట్రిబ్యునల్ వేసి దర్యాప్తు చేసి విచారించిన తరువాత పార్లమెంటు ఉభయసభలు మూడింట రెండువంతుల మెజార్టీతో (2/3వ వంతు) వేర్వేరుగా ఆమోదించిన తర్వాత రాష్ట్రపతి పదవి నుంచి వైదొలగాలి.
  • 1970లో వీవీ గిరిపై అభిశంసన తీర్మానం ప్రవేశపెట్టి ఉపసంహరించుకున్నారు.
  • రాష్ట్రపతి ఎన్నికల్లో పాల్గొనకుండా రాష్ట్రపతి మహాభియోగ తీర్మానంలో పాల్గొనేవారు – పార్లమెంటు ఉభయసభలకు నామినేట్ అయిన 14 మంది సభ్యులు.
  • రాష్ట్రపతి ఎన్నికల్లో పాల్గొని రాష్ట్రపతి మహాభియోగ తీర్మానంలో పాల్గొనే అవకాశం లేనివారు ఢిల్లీ, పుదుచ్చేరి రాష్ర్టాల విధాన సభల ఎమ్మెల్యేలు.
  • రాష్ట్రపతిపై మహాభియోగ తీర్మానం ప్రవేశపెట్టినప్పుడు రాష్ట్రపతి స్వయంగా కాని లేదా రాష్ట్రపతి తన ప్రతినిధి ద్వారా కాని వాదనలు వినిపించవచ్చు.
  • రాష్ట్రపతి పదవిలో ఉండగా అతనిపై క్రిమినల్ కేసులు పెట్టరాదు. సివిల్ కేసులు వేయాలంటే రెండు నెలల ముందుగా నోటీస్ ఇవ్వాలి.
  • 361వ ప్రకరణం అనుసరించి రాష్ట్రపతి పదవిలో ఉన్నప్పుడు అతను నిర్వర్తించిన విధులకు అతను జవాబుదారీగా వ్యవహరించడు. అతని నిర్ణయాన్ని ఏ న్యాయస్థానంలోనూ ప్రశ్నించరాదు.
  • 62వ నిబంధన ప్రకారం రాష్ట్రపతి పదవీకాలం ముగియకముందే నూతన రాష్ట్రపతి ఎన్నిక నిర్వహించి పూర్తి చేయాలి.
  • 71వ నిబంధన ప్రకారం రాష్ట్రపతి ఎన్నికకు సంబంధించిన ఫిర్యాదులను సుప్రీంకోర్టు విచారిస్తుంది.
  • రాష్ట్రపతి ఎన్నికలు జరగడానికి ముందుకాకుండా ఎన్నికలు జరిగిన 30 రోజుల్లోపు ఫిర్యాదు చేయాలి.
  • ఎన్నికల ఫిర్యాదుపై రాష్ట్రపతి ఎన్నికలగణంలోని 20 మంది సభ్యులు సంతకాలు చేయాలి.
  • రాష్ట్రపతి ఎన్నిక చెల్లదని సుప్రీంకోర్టు ప్రకటిస్తే అతను అంతకుముందు తీసుకున్న నిర్ణయాలు చెల్లుతాయి.

రాష్ట్రపతి అధికారాలు

రాజ్యాంగంలో ఎక్కడా రాష్ట్రపతి అధికారాలను వర్గీకరించలేదు. అయితే సౌలభ్యం కోసం రాష్ట్రపతి అధికారాలను రెండు రకాలుగా వర్గీకరించుకోవచ్చు. అవి:
1. సాధారణ అధికారాలు 2. అసాధారణ అధికారాలు

సాధారణ అధికారాలు

  1. కార్యనిర్వహణ అధికారాలు
  2. శాసనాధికారాలు
  3. ఆర్థికాధికారాలు
  4. న్యాయాధికారాలు
  5. దౌత్యపరమైన అధికారాలు
  6. సైనిక అధికారాలు
  7. రాష్ట్రపతి విచక్షణాధికారాలు

అసాధారణ అధికారాలు

  1. జాతీయ అత్యవసర పరిస్థితి (ప్రకరణ 352)
  2. రాష్ట్రపతి పాలన (ప్రకరణ 356)
  3. ఆర్థిక అత్యవసర పరిస్థితి (ప్రకరణ 360)
  4. ఉన్నత న్యాయస్థానాలు విధించిన శిక్షల విషయంలో రాష్ట్రపతి 5 రకాలైన నిర్ణయాలు తీసుకోవచ్చు.
    పార్డన్ (క్షమాభిక్ష)(Pardon): ఉన్నత న్యాయస్థానాలు విధించిన శిక్షలను రద్దుచేసి క్షమాభిక్ష ప్రసాదించడం.
    ఉదా: ఉరిశిక్షను రాష్ట్రపతి రద్దు చేయడం
    కముటేషన్ (శిక్షను మార్పు చేయడం)(Commutation): న్యాయస్థానాలు విధించిన ఒక రకమైన శిక్షను మరొక రకమైన శిక్షగా మార్పు చేయడం.
    ఉదా: రాజీవ్‌గాంధీ హత్యకేసులో నిందితురాలు నళినికి విధించిన ఉరిశిక్షను యావజ్జీవ కారాగారశిక్షగా మార్చారు.
    రెమిషన్ (శిక్షను తగ్గించడం)(Remission): శిక్ష స్వభావంలో మార్పు లేకుండా శిక్షా కాలాన్ని తగ్గించడం.
    ఉదా: 7 సంవత్సరాల జైలు శిక్షను 5 సంవత్సరాల జైలు శిక్షగా మార్చడం
    రెస్పైట్ (శిక్ష నుంచి తాత్కాలిక ఉపశమనం)(Respite): ఒక ప్రత్యేక కారణం దృష్ట్యా శిక్ష అమలును వాయిదా వేయడం లేదా తగ్గించడం లేదా మరొక రకంగా మార్పు చేయడం లేదా క్షమాభిక్ష ప్రసాదించడం.
    ఉదా: శిక్షపడిన వ్యక్తి గర్భవతి అయినప్పుడు, దీర్ఘకాలిక వ్యాధితో బాధపడుతున్నప్పుడు
    రిప్రైవ్ (శిక్ష అమలు కాకుండా వాయిదా వేయడం)(Reprieve): రాష్ట్రపతి లేదా గవర్నర్ల ముందు క్షమాభిక్ష పిటిషన్ పెండింగ్‌లో ఉన్న సందర్భంలో శిక్ష అమలును తాత్కాలికంగా వాయిదా వేస్తారు.
  5. రాష్ట్రపతి పైన పేర్కొన్న అధికారాలను కేంద్ర మంత్రిమండలి సలహామేరకు నిర్వహిస్తారు. ఉరిశిక్ష విషయంలో క్షమాభిక్ష పెట్టే అధికారం రాష్ట్రపతికి మాత్రమే ఉంది.

రాష్ట్రపతి పదవిపై ప్రముఖుల అభిప్రాయాలు

  • రాష్ట్రపతి పదవి దేశ సమైక్యతకు ప్రతీక. దేశ ప్రగతిలో రాష్ట్రపతి ముఖ్యపాత్ర పోషిస్తారు – సర్వేపల్లి రాధాకృష్ణన్
  • రాష్ట్రపతి కేంద్ర మంత్రిమండలికి మిత్రునిగా, మార్గదర్శిగా, తాత్వికునిగా వ్యవహరిస్తారు – అంబేద్కర్
  • రాష్ట్రపతికి మన రాజ్యాంగం కల్పించిన విచక్షణాధికారాలను వినియోగించడంపైనే వారిస్థానం, ప్రాముఖ్యత ఆధారపడి ఉంటుంది – MV పైలీ
  • 42, 44వ రాజ్యాంగ సవరణల తర్వాత రాష్ట్రపతి స్థానం మరింత నామమాత్రంగా మిగిలింది – MP జైన్

పై విషయాలన్నీ లక్ష్మీకాంత్ ఇండియన్ పాలిటి పుస్తకంలో 17వ చాప్టర్లో కూలంకషంగా వివరించబడ్డాయి.

 

 

Comment here!